بعدك يا أمى
بعدك فارقنى العمر .استخبا م السنين
قفل الببان وقال هعيش دايما حزين
طليت منه لقيت الدنيا فاضيه والناس مش موجودين
كنت لى دنيا كنت لى جنه كنتى عمرى والسنين
شايله يا امى بين الجفون جوا العيون جبال حنين
شايله حكايات وذكريات ودموع كتير شايله الأنين
محتاجه أجرى أقولك ع لى بيا وع الحنين
وانك رحلتى بعد ما كنا قلب واحد مش قلبين
وشهر يعدى على فراقك بعده الشهر والشهرين
أقول دا يوم طويل أسود حزين دول مش يومين
عايشه نهارى فى حكايات وذكريات عننا احنا الاتنين
وعايشه ليلى فى عشقى ليكى وفى الدموع وفى الأنين
أصلى ودعى يا أمى كل يوم الدعوتين
يجعلك يا أمى فى جنه مع النبين والصالحين
ويصبرنى ربى على فراق عمرى والسنين
لأن بعدك كل البيوت كل العيون متأفلين
لأن بعدك الأشواق والأفراح دول ميتين
مع السلامه لما أجيلك أشفى قلبى أروى الحنين
مع السلامه يا أغلى حاجه يا كل حاجه وكل الموجودين
اليك يا أمى.
بعدك فارقنى العمر .استخبا م السنين
قفل الببان وقال هعيش دايما حزين
طليت منه لقيت الدنيا فاضيه والناس مش موجودين
كنت لى دنيا كنت لى جنه كنتى عمرى والسنين
شايله يا امى بين الجفون جوا العيون جبال حنين
شايله حكايات وذكريات ودموع كتير شايله الأنين
محتاجه أجرى أقولك ع لى بيا وع الحنين
وانك رحلتى بعد ما كنا قلب واحد مش قلبين
وشهر يعدى على فراقك بعده الشهر والشهرين
أقول دا يوم طويل أسود حزين دول مش يومين
عايشه نهارى فى حكايات وذكريات عننا احنا الاتنين
وعايشه ليلى فى عشقى ليكى وفى الدموع وفى الأنين
أصلى ودعى يا أمى كل يوم الدعوتين
يجعلك يا أمى فى جنه مع النبين والصالحين
ويصبرنى ربى على فراق عمرى والسنين
لأن بعدك كل البيوت كل العيون متأفلين
لأن بعدك الأشواق والأفراح دول ميتين
مع السلامه لما أجيلك أشفى قلبى أروى الحنين
مع السلامه يا أغلى حاجه يا كل حاجه وكل الموجودين
اليك يا أمى.